Markaziy bank sentabr oyida 8 ta bankni jarimaga tortdi

Markaziy bankning Bank nazorati qo‘mitasi oy davomida 8 ta yig‘ilish o‘tkazib, jami 37 ta masalani ko‘rib chiqdi va tegishli qarorlar qabul qildi.

Ro‘yxatga olish va ruxsat berishga oid 21 ta masala ko‘rib chiqildi. Shundan 2 tasi ustavdagi o‘zgarishlarni ro‘yxatdan o‘tkazish, 7 tasi mikromoliya tashkilotlarini ro‘yxatdan o‘tkazish, akkreditatsiya va litsenziyalash bilan bog‘liq.

Yana 3 ta masala kredit tashkilotlari ustav fondidagi ulushga egalik qilishga ruxsat berish, 9 tasi esa banklarning rahbar organlari a’zolari va muhim xodimlar nomzodlariga oid bo‘ldi.

Qolgan 16 ta masala tashkilotlarning moliyaviy holati, prudensial me’yorlar, tekshiruvlar natijalari va moliyaviy xizmatlarni “tartibga solish qumdoni”da sinovdan o‘tkazishga taalluqli.

https://www.spot.uz/oz/2026/10/12/banks-fined/

Telegram | Instagram | YouTube