Milliy pochta operatori ma’muriy jarimalar haqidagi bildirishnomalar raqamli formatga o‘tkazilgach, 50–60 mlrd so‘mlik daromadidan ayrildi. Avval ushbu bildirishnomalarni yetkazib berish pochta operatoriga katta daromad keltiradigan yo‘nalishlardan biri bo‘lgan.
“Raqamlashtirishdan keyin bu xizmat pochtada bekor qilindi. Bu pochta uchun juda katta moliyaviy yo‘qotishga olib keldi. Men milliardlar haqida gapiryapman. Pochta faqat bitta xizmatdan 50−60 mlrd so‘mlik daromad manbayini yo‘qotdi”, — dedi Davaktiv direktori Sohibjon Murodov.
Uning so‘zlariga ko‘ra, IIV va tijorat banklari fuqarolarni qarzdorlik va jarimalar haqida mobil ilovalar orqali xabardor qila boshlagan. Shu sababli qog‘oz bildirishnomalar va ularni yetkazib berishga ehtiyoj qolmagan.
Shu fonda UzPost’ni moliyaviy sog‘lomlashtirishning asosiy vazifalaridan biri zamonaviy korporativ boshqaruv mexanizmlarini joriy etish bo‘ldi.
Joriy yilning 1-martidan UzPost yo‘l harakati qoidalarini buzganlik uchun jarimalar haqidagi qog‘oz xatlarni yetkazib berishni to‘xtatgan edi:
https://www.spot.uz/oz/2026/10/08/uzpost-losses/
Telegram | Instagram | YouTube