Vizasiz rejim bekor qilingach, o‘zbekistonliklarning Tailandga sayohat talabi pasaydi

Sentabrda O‘zbekistondan Tailandga aviachipta qidirishlar 81%, bronlar esa 84% ga kamaygan.

Sayohatlar o‘rtacha 10–12 kun davom etgan, bolalar bilan safarlar ulushi o‘zgarmagan, aviachiptalar esa 5–10% ga qimmatlagan.

15-sentabrdan Tailand o‘zbekistonliklar uchun vizasiz rejimni bekor qildi. Endi mamlakatga borish uchun Thai E-Visa orqali oldindan viza olish kerak.

Viza uchun pasport, aviachipta, mehmonxona broni va bir kishiga 20 ming bat ($600 dan ortiq) yoki oila uchun 40 ming bat ($1200 dan ortiq) mablag‘ borligini tasdiqlovchi bank ko‘chirmasi kerak.

Konsullik yig‘imi $30 ga yaqin, uni faqat Tailand diplomatik vakolatxonasi orqali to‘lash mumkin. O‘zbekistonga eng yaqini esa Moskvada joylashgan:

https://www.spot.uz/oz/2026/10/05/thailand-visas/

Telegram | Instagram | YouTube