Iqtisodiyot va moliya vazirligi ijtimoiy soliq bo‘yicha imtiyozlarni 2030-yilgacha bosqichma-bosqich bekor qilish sabablarini tushuntirdi.
Vazir o‘rinbosari Otabek Fozilkarimovga ko‘ra, imtiyozlar turli sohalarni qo‘llab-quvvatlash uchun berilgan. Xatlov natijasida ularning eng uzoq amal qiladiganlari 2030-yilda tugashi aniqlangan. Shu sababli imtiyozlarni aynan shu muddatgacha bekor qilish rejalashtirilmoqda.
“Agar imtiyozning amal qilish muddati 2027-yilda tugaydigan bo‘lsa, u amaldagi qonunchilik hujjatlariga muvofiq 2027-yildan boshlab bekor qilinadi”, — dedi Fozilkarimov.
U ijtimoiy soliq Pensiya jamg‘armasi daromadlarining muhim manbai ekanini, uning taqchilligi 26% ni tashkil etishini qayd etdi.
Hozir ayrim korxonalarda 12% lik ijtimoiy soliq stavkasi 1% yoki 0% gacha pasaytirilgan. 2025-yilda 65 mingta korxonaga jami 3,2 trln so‘mlik imtiyoz berilgan:
https://www.spot.uz/oz/2026/09/25/social-tax/
Telegram | Instagram | YouTube