مَن بو آغلامالی، مَن بو گولمه‌لی
دونیایا، آغلاییب-گولمه‌یه گَلدیم
بیر دونیا تاپیلماز بوندان اؤلمه‌لی
مَن ده طاماهلانیب اؤلمه‌یه گَلدیم
هَله بو دونیادا ایزیم یوخویدو
هَر شئیی گؤروردوم، گؤزوم یوخویدو
هَله روحوم واردی، اؤزوم یوخویدوم
مَن بورا اؤزومو گؤرمه‌یه گَلدیم
مَنه ده یئر چاتار، دونیا دار دَییل
بیز بالیق دَییلیک، دونیا تور دَییل
"آللاه گؤی‌دن باخیر، آللاه کور دَییل!"
سیزه بونو خَبَر وئرمه‌یه گَلدیم.
#رامیز_روشن
@sozun_sozu
#سؤزون_سؤزو
Post #273
34
- 👍 1