سنين گؤزلريندن باشلاندب زامان
قوب هئچ ایشله‌مه‌سین پوزوق ساعات‌لار
یالان- یانلیش یازسین قیسیر تقویم‌لر
گؤزلرينده سئوينج وار
حيات وار
بير آز دا كدر.
باخيشين تانرىنين باغيرتیسىی‌دير.
سنين گؤزلريندن باشلاندی تانری
گؤزلريندن اؤنجه
قارا بير شئيطانين قوللوقچوسویدوم
و گؤزلريندن سونرا
ياشيل بير تانرىنين قيزيل بوقچاسی
سنین گؤزلريندن باشلانيرام من
بيله‌ييمده پولیس کلفچه‌لری
اوره‌ییمده آلا گؤزلرين
ساعات يئرينه
تيق... تيق... تيق...
قووالايير كيپریکلرین ثانيه‌لری
تاخ... تاخ... تاخ...
قووالايير منب پولیس‌لر
و اوره‌بیمده دؤيونور زامان، دايانير ز...آمان
آخي گؤزلرينين باريتيندان آچیلیر
الیمیزده کی سئودا تاپانچالاری
و عئيني زاماندا پارتلایاجاق
سنین گؤزلرينه كؤكله‌نميش
اورك بومبالاريميز.
#سعید_موغانلی
#سو_کیمی_شعر
Post #290
31
- ❤ 1
- 🔥 1