سن گئدرسن، قاپینی هئی چالاجاق سس‌سیزلیک
سن گئدرسن، بو ائوه های سالاجاق سس‌سیزلیک.
بیر چیراقسیز شَهَرین قارلی، قارانلیق گئجه‌سین،
بیر عؤمور بلکه قوناق ساخلایاجاق سس‌سیزلیک.
سن گئدرسن سوساجاق، دینمه‌یه‌جک تار بیر ده؛
کامانین پرده‌لرینده قالاجاق سس‌سیزلیک.
باشماغین داش دؤشه‌نک‌ده داها تاققیلداماییب
شهرین دال بوجاغیندا دالاجاق سس‌سیزلیک.
سسلی-کویلو آلیشیبدیر آخی دام-داش، ائویمیز،
سن گئدرسن بیلیرم، تام اولاجاق سس‌سیزلیک.
یالواریش، قورخو ساریبدیر ائوی کاش آنلایاسان:
سن گئدرسن بو ائوه های سالاجاق سس‌سیزلیک...
#آتیلا_حاجیزاده
#سؤزون_سؤزو
@sozun_sozu
Post #285
32
- ❤ 2