بو داغین گولله‌له‌نن خسته پلنگین تانیرام
اووچونون حربه بیچن قانلی توفنگین تانیرام
خیابان‌لاردا تابوت‌دور کی چییین‌لرده گئدیر
کوچه‌لرده اؤلومون هایلی جهنگین تانیرام
«بو قارانلیق گئجه‌لرده قاپیمیز پیس دؤیولور»
بو مایاللاق اجلین قورخولو زنگین تانیرام
بزه‌نیب‌دیر یئنه دروازه‌سی شهرین وای آمان
من اؤلوم گوللرینین داغلی چلنگین تانیرام
منی آلداتمایین ای شهریمیزین کاتتالاری
من مین ایل‌دیر یالانین قاپ قارا رنگین تانیرام
کوزه اولسام دا چتین چشمه‌ده اللرده سینام
هر سویون اؤز کوزه‌سین یاخشی سهنگین تانیرام
دولودور بوش هاوادان حئیف اولا دیوان‌لاریمیز
من سؤزون هم درینین هم ده جفنگین تانیرام
دئمه‌یین ایندی بقا یاخشی‌نی پیس‌دن تانیماز
شاعیرم هر شئیین البت کی قشنگین تانیرام
#کاظم_نظری_بقا
#سو_کیمی_شعر
@sozun_sozu
#سؤزون_سؤزو
Post #270
31
