🌾 کەنووڵە 🌾

🌺 سەفەرێ پەی دینەوەری 🌺

ئاشنایی چەنی یەرە دەگا هۆرامی زوانکاو :

کەنووڵەی 🌿 پەریانی 🌿 شەریف ئاوای 🌿

ئی دەگایا سەروو بەخشوو سەحنەو کرماشانینێ و ئینەی 75 کیلوومتری کرماشانی و 59 کیلوومتری شاروو سەحنەی و 52 کیلوومتری کامیارانینە 🌿

کەنووڵە :
200یانینە و 2000کەسێش چەنەژیوا ، وەهار و هامن با بە یەرە هەزار کەسێوە ٠
ویەردەو کەنووڵەی گێڵۆوە پەی دەورانوو ساسانیا ، ماچا جە زەمانەو ئال بوویەینە ئەزنەو دماو وێرانی ئاوەۮان کریانەو ، پاجۆرە کەکۆرناوە قەڵاو روکنۆدەوڵەی بیێنە 🌿

ئاساروو قەڵاو مەروانی قسێ جە قەۮیمی بیەیشەو کەرۆ ،  26 کیلوومتری کەنووڵەیەو دەشتەو سەرسەوزەو دینەوەرینە 🌿

کەنووڵە یەرێ مەحەلێش هەنێ : مەحەلە چوەرینێ
مەحەلێ مەخوولەی ، مەحەلێ سمایلەی و مەحەلە وارینێ 🌿

فرەتەروو یانەکاش بە خشتێ هەڕینێ کریەینێوە و بە دارێ سەر گیریەینێ ٠
کەمتەر یانەیوە کەنووڵەنە وینی هێوانەش نەبۆ 🌿

کسم و کاروو خەڵکەکەیش باخداری و حێوانداری ، هەنگداری و قاڵی کەردەین ،

؟ : بەردیا  ، دەرەو زاقای  ، دەرەو ئاساوی ، دەرەو بزەرۆ ،  دەشتان ، میران بەر وسەڵاخانی  ، جۆباخان  ، شاجۆ  ،  هانەچیا  ، سیا کەمەر  ،کارێز و سەر کارێز  🌿

هانێش :   هانە ئافر  ، هانەجەهانگیر  ، هانەچیا  ، هانەمراۮ   ،  هانەو دووشا هاڵێ  ،  هانەپیرافتەن 🌿
کۆێش :   زەڕان  ، وەرەزەرد   ،  قەراخ   ، بۆزاخ   ،  زەردەکەمەرا🌿

کەنووڵە هامساو پەریان و شەریف ئاواین 🌿

شاعێری نامۮار ئەڵماس خانی کەنوولەیی کە ماچا ئەسڵەنە پاڵنگانی بیەن و یۆ جە سەرکردە گەورەکا سپاو نادرشای ئەفشاری جەساڵەکا ۱۷۰٦ تا ۱۷۷۷ میلادینە ژیوان جە ئاخر و ئەوخروو عەمریشەو  و دماو ئانەیە سەروو کاریۆ لابریا تا ئاڕوە مەردەن چی دەگەینە بیەن 🌿

ئەڵماس خان داراو کتێبا :  خورشیۮ و خەرامان  ، حەفت لەشکەر  ، نادرنامە ، شیرین و فەرهاد  و کتە و مڵە  ، شانامەی هۆرامین ، ئیسەیچە هەڵای بە یاۮوو ئەڵماس خانیۆ  کەنوولەنە هەر شانامە وانێ مەنێنێ ،

گڵکۆ ئەڵماس خانی ئینا کەنووڵەنە  ، جە شاعێرا تەروو کەنوولەی تاومێ :  میرزا رەزای  و میرزا سەبزەلی نامێ بەرمێ 🌿

بێژ جە جەڕاحا مەحلی ئەوسایش دۆکتۆر عەزیم کە دۆکتۆروو فەوجوو زەنگەنەی  وە عەلی پەنا  و حەشام  بەیاتی و یەدۆڵڵا پاکدین  دۆکتۆرا دانشگایی ئەوساو کەنوولەینێ

☀️☀️ئی باوەتە جە کاناڵەو وەنەدی مامۆسا حەمەی فەهیم هۆرگیریان

@VANADIHOWRAMAN