دڵشا بەرد٘ەنا، چەرمای چەمەکات
شێتشا کەرد٘ەنا، دەسە گەرمەکات
چەمە مەسەکات، منشا بەرد٘ەنا
بە گیانت باوان، پەی تۆ مەرد٘ەنا
چەمێش دێونانا، سەرپۆشوو سەرەیت
عەترئەفشانم کەرد تا وەروو بەرەیت
زڵفێت بەڕەزا و بەرزەڵنگ شێوە
وەشا ئا وەختە، بنیشمێ پێوە
با وەهار بەیوە، دەسگیران ئاسا
بلمێ نە پای هەرد، کەرمێ تەماشا
باقێو بەڕەزا و سوورە هەراڵە
پێشکەشوو باڵایت، پەڕ خەت و خاڵە
چەم چەمەڕاتا، ئەی هەرچی کەسم
ئەگەر تۆ نەبی، گێریۆ نەفەسم
#هومایوون_موحەممەدنژاد
@hawramyanah
Post #12842
92
Forwarded from شێعرێ هەورامیێ
- ❤ 3
- 👏 1