الله اکبر ای صنم!
حۆسنۆنده حیران اوْلموشام
قوس قزحدیر قاشلارېن
یایېنه قوربان اوْلموشام

یۆزۆن دۆر اول جنت گۆلۆ
بوْيون حقیقت سدره سی
عشقينده من بولبول کیبی
عالمده دستان اوْلموشام

کون و مکاندان کئچمیشم،
معنی شرابېن ایچمیشم
جانان یۆزۆنۆ گؤرمۆشم،
باشدان آیاق جان اوْلموشام

دعوی منم، قاضی منم،
منکر منم، راضی منم
داغ ایله هم یازې منم،
من كل دؤوران اوْلموشام

صوفی منم، صافی منم،
کافی منم، شافی منم
ارنی منم، حیران منم،
دردیله درمان اوْلموشام

زاهد منم، عابد منم،
عاصی منم، فاسق منم
مؤمون منم، كافر منم،
من كل انسان اوْلموشام

اوچماق ایله رضوان منم
دامو ایله ثعبان منم
دانا ایله نادان منم،
این اولموشام آن اوْلموشام

گه چېخمېشام عیسی کیبی
چرخ اۆستۆنه اوْتورموشام
گه وارمېشام یوسف کیبی
مصرنده سلطان اولموشام

صاحب قران قدرتم،
یاقوت كان وحدتم
شیمدی گلیب نسیمی یم
خاک ایله یکسان اوْلموشام

شعر: عمادالدین نسیمی

تصحیح: هاتف بخشی
بر پایه ی قدیمی‌ترین و معتبرترین نسخه های خطی موجود و هم‌چنین چند نسخه‌ی اختصاصی تصحیح شد.

اجرا: سهیل قاسمی
موسیقی: Dickon Hinchliffe
تدوین: شهریار

YouTube | آپارات

@Setiq