SAMARQAND YOSHLAR TEXNOPARKI

🚂 Qashqadaryolik temir yo‘l xodimlari Samarqand yoshlar texnoparkida!

🖥 Kuni kecha Samarqand yoshlar texnoparkiga Qashqadaryo viloyatidan tashrif buyurgan temir yo‘l sohasi xodimlari hamda yosh mutaxassislari uchun maxsus tanishuv ekskursiyasi tashkil etildi. Tashrif davomida mehmonlar texnoparkimizda yoshlar va iqtidorli kadrlar uchun yaratilgan shart-sharoitlar, zamonaviy laboratoriyalar va amaliyot xonalari bilan yaqindan tanishdilar. Uchrashuv davomida an’anaviy sohalarga, xususan, temir yo‘l va transport tizimiga raqamli yechimlar va innovatsion texnologiyalarni integratsiya qilish, tizimni avtomatlashtirish hamda yosh mutaxassislarning zamonaviy ko‘nikmalarini oshirish yuzasidan o‘zaro fikr va tajriba almashildi.

🤝 Samarqand yoshlar texnoparki barcha soha vakillari va izlanuvchan yoshlar bilan hamkorlik qilish uchun doimo ochiq. Raqamli kelajakni birgalikda quramiz!

🌍samytp.uz |🔹Telegram |🔹Instagram

🇺🇿 “MOHIRLIK VA BIZNES SOATI” — YOSHLAR UCHUN YANGI IMKONIYATLAR!

✨ Bugungi bilim — ertangi muvaffaqiyat!

📚 Samarqand Yoshlar Texnoparki tomonidan Nurobod tumani o‘quvchilari uchun “Mohirlik va biznes soati” doirasida navbatdagi mashg‘ulot tashkil etildi.

👨‍🎓👩‍🎓 Mashg‘ulot davomida o‘quvchilarga startaplar, innovatsion g‘oyalar, zamonaviy texnologiyalar va tadbirkorlik haqida foydali ma’lumotlar berildi.

💡 Shuningdek, yoshlarning o‘z g‘oyalarini shakllantirish, muammolarga yangicha yechim topish va ularni amaliy loyihalarga aylantirish bo‘yicha tushunchalari boyitildi.

🎯 Asosiy maqsad — yoshlarni innovatsion fikrlashga, tashabbuskor bo‘lishga va o‘z imkoniyatlaridan samarali foydalanishga yo‘naltirish.

🚀 Balki bugungi darsda tug‘ilgan kichik bir g‘oya ertaga katta loyiha va muvaffaqiyatli biznesga aylanishi mumkin!

Samarqand Yoshlar Texnoparki — yoshlar g‘oyalari uchun yangi imkoniyatlar maydoni!

samytp.uz | Telegram | Instagram

🇺🇿 USTOZ VA MURABBIYLAR — KELAJAK BUNYODKORLARI!

🎉 Hurmatli ustozlar va murabbiylar!

Sizlarni 1-oktabr — O‘qituvchi va murabbiylar kuni bilan Samarqand Yoshlar Texnoparki jamoasi nomidan samimiy muborakbod etamiz! 🌷

📚 Sizning fidokorona mehnatingiz, sabr-toqatingiz va yosh avlodga berayotgan bilimingiz — jamiyatimiz kelajagiga qo‘shilayotgan eng muhim hissalardan biridir.

✨ Har bir o‘rgatilgan bilim, berilgan maslahat va bildirilgan ishonch yoshlarning kelajagida o‘z aksini topadi.

💐 Sizlarga mustahkam sog‘lik, oilaviy xotirjamlik, cheksiz kuch-g‘ayrat va kasbiy faoliyatingizda ulkan muvaffaqiyatlar tilaymiz!

🎓 Aziz ustozlar, bayramingiz muborak bo‘lsin!

samytp.uz | Telegram | Instagram

🌍🌍🌍🌍🌍🌍

🚀 Samarqand davlat pedagogika institutida startap va innovatsiyalarga bag‘ishlangan seminar-trening o‘tkazildi

Bugun, 23-sentabr kuni Samarqand davlat pedagogika institutida professor-o‘qituvchilar, iqtidorli talabalar hamda startap va innovatsion loyihalarga qiziquvchi yoshlar ishtirokida “STARTAP: G‘OYADAN AMALIY LOYIHAGACHA” mavzusida ilmiy-amaliy seminar-trening o‘tkazildi.

Seminar davomida ishtirokchilarga startap loyihalarni ishlab chiqish va rivojlantirish, davlat grantlari, inkubatsiya va akseleratsiya dasturlari, texnopark imkoniyatlari hamda loyihalarni tijoratlashtirish bo‘yicha amaliy ma’lumot va tavsiyalar berildi.

📔 Tadbir doirasida Samarqand davlat pedagogika instituti, “SCHOOL 21” raqamli texnologiyalar maktabining Samarqand filiali hamda Samarqand yoshlar texnoparki o‘rtasida hamkorlik memorandumlari imzolandi.

➡️ Mazkur hamkorlik doirasida yoshlarning raqamli ko‘nikmalarini rivojlantirish, startap loyihalarni qo‘llab-quvvatlash va innovatsion g‘oyalarni amaliy loyihalarga aylantirish bo‘yicha qo‘shma ishlarni yo‘lga qo‘yish ko‘zda tutilmoqda.

Bizni kuzating

👍 Telegram | 📷 Instagram | 📒 Facebook | 🖤 You tube