Samarqand davlat pedagogika instituti | RASMIY

✅ SAMARQAND DAVLAT PEDAGOGIKA INSTITUTIDA TYUTORLAR TANLOVI O‘TKAZILDI

Samarqand davlat pedagogika institutida vakant tyutorlik lavozimlariga nomzodlar o‘rtasida tanlov tashkil etildi.

➡️ Tanlov O‘zbekiston Respublikasi Vazirlar Mahkamasining 2025-yil 17-oktabrdagi 656-son qarori bilan tasdiqlangan nizom talablari asosida o‘tkazildi.

Jarayonda nomzodlarning talabalar bilan ishlash tajribasi, ularning muammolarini hal etish, ma’naviy-ma’rifiy tarbiya, davomadni nazorat qilish, tashabbuskorlik va innovatsion yondashuv borasidagi bilim hamda ko‘nikmalari baholandi.

📌 Tanlovdan maqsad tyutorlik faoliyati samaradorligini oshirish, munosib nomzodlarni saralash va talabalar bilan ishlash sifatini yanada yaxshilashdan iborat.

🌐

SamDPI Matbuot xizmati

👍 Telegram | 📷 Instagram | 📒 Facebook | 🖤 You tube |

#xotin_qizlar_faoliyati

🌷 QIZLAR MAYDONI: G‘OYA, JASORAT, KELAJAK

11-oktabr — Xalqaro qizlar kuni munosabati bilan Samarqand davlat pedagogika institutida “Qizlar maydoni: g‘oya, jasorat, kelajak” mavzusida motivatsion uchrashuv tashkil etildi.

Uchrashuvda talaba-qizlarning tashabbuskorligi va liderlik salohiyatini qo‘llab-quvvatlash, o‘ziga bo‘lgan ishonchini mustahkamlash hamda kelajak maqsadlari sari intilishini rag‘batlantirish masalalari muhokama qilindi. Samimiy muloqot davomida qizlar o‘z g‘oyalari, orzu-intilishlari va kelajak rejalari bilan o‘rtoqlashdi.

Tadbir Samarqand davlat pedagogika instituti Xotin-qizlar maslahat kengashi tomonidan tashkil etildi.

🌐

SamDPI Matbuot xizmati

👍 Telegram | 📷 Instagram | 📒 Facebook | 🖤 You tube |

#Ilmiy_seminar

📌 Ilmiy dissertatsiyalar muhokamasiga bag‘ishlangan seminar o‘tkazildi

Samarqand davlat pedagogika instituti huzuridagi PhD.01/2025.27.12.Ped.10.01 raqamli ilmiy darajalar beruvchi kengash qoshidagi ilmiy seminarning navbatdagi yig‘ilishi bo‘lib o‘tdi.

Yig‘ilishni seminar raisi ochib berib, ishtirokchilarni yig‘ilishning kun tartibi bilan tanishtirdi.

Yig‘ilishda dastlab Karimova Aziza Mamatkadirovnaning “Pedagogika yo‘nalishi talabalariga SCAMPER texnikasi asosida bolaning intellektual qobiliyatini rivojlantirishni o‘rgatish metodikasi” mavzusidagi 13.00.02 – Ta’lim va tarbiya nazariyasi va metodikasi (pedagogika ixtisosligi bo‘yicha) ixtisosligi yuzasidan tayyorlangan dissertatsiya ishi muhokama qilindi.

Shuningdek, Kurbonova Gulmira Usmonovnaning “Bo‘lajak o‘qituvchilarda kollaborativ o‘qitish muhitini loyihalash ko‘nikmalarini rivojlantirish” mavzusidagi 13.00.01 – Pedagogika nazariyasi. Pedagogik ta’limotlar tarixi ixtisosligi bo‘yicha ilmiy ishi ko‘rib chiqildi.

➡️ Muhokamalar davomida dissertatsiya ishlarining mazmuni yuzasidan fikr-mulohazalar bildirilib, tadqiqotchilarga aniqlangan kamchiliklarni bartaraf etish hamda ilmiy ishlarni takomillashtirish bo‘yicha tegishli tavsiyalar berildi.

🌐 Telegram | 🌐 Instagram | 🌐 Facebook