Салідарнасць, народжаная праз боль.
Сёння мы, беларусы - у тым ліку палітвязні, прадстаўнікі RE:BELarus - выйшлі на мітынг у падтрымку свабодных іранцаў. Супраць дыктатуры і масавых рэпрэсій у Іране і Беларусі.

Мы выказваем шчырыя спачуванні іранскаму народу па ўсіх, хто загінуў падчас масавых пратэстаў.
Па тых, каго забілі за смеласць гаварыць.
Па тых, чые жыцці былі зламаныя толькі таму, што яны хацелі свабоды і годнасці.
Трагедыі нашых народаў балюча падобныя.
Калі ўлада трымаецца на страху.
Калі турмы становяцца інструментам падаўлення.
Калі за праўду, за голас, за чалавечую годнасць і імкненне да свабоды караюць забойствамі, гвалтам і зняволеннем.
Беларусы, як ніхто іншы, разумеюць іранцаў.
Мы ведаем, як гэта - жыць пад дыктатурай.
Мы ведаем, як гэта - чакаць навін з турмы.
Мы ведаем, як гэта - губляць блізкіх і не мець права на справядлівасць.
Але мы таксама ведаем:
салідарнасць мацней за страх,
памяць мацней за гвалт,
а свабода пачынаецца з узаемнай падтрымкі.
Ніводзін народ не павінен заставацца сам-насам з дыктатурай.
Ніводная смерць не павінна быць забытая.
Мы з вамі.
Мы побач.

https://t.me/REBELarus1

@REBELarus20

re.belarus6@gmail.com

#REBELarus
#Беларусь
#СупрацьГвалту
#GlobalSolidarity
#Freedom
#FreeIran