🤍🤍🤍
Кастусь Каліноўскі. Памяць, якая аб’ядноўвае.

25 студзеня Вільня стала месцам супольнай памяці і адказнасці.

Прэзідэнт Літвы Гітанас Наўседа, прэзідэнт Украіны Уладзімір Зяленскі,  прэзідэнт Польшчы Кароль Навроцкі, а таксама Святлана Ціханоўская ўшанавалі памяць паўстанцаў 1863-1864 гадоў.

Паўстанне пад кіраўніцтвам Кастуся Каліноўскага - гэта агульная гісторыя беларусаў, літоўцаў, палякаў і ўкраінцаў, гісторыя барацьбы за годнасць, свабоду і права быць гаспадарамі на сваёй зямлі. У гэты дзень гаворка ішла не толькі пра мінулае.

Сімвалічна, што і сёння сярод прысутных было шмат беларусаў - у тым ліку і  былыя палітвязні - прадстаўнікі каманды RE:BELarus. Гэта яшчэ раз падкрэсліла жывую сувязь паміж гістарычнай памяццю і сучасным змаганнем за свабоду.

Урачыстасці прайшлі на могілках Росы ў Вільні - там, дзе пахаваныя ўдзельнікі паўстання, у тым ліку Кастусь Каліноўскі.
Яго імя - не проста старонка з падручніка. Гэта сімвал нязломнасці і адказу на пытанне: хто мы і за што гатовыя змагацца.

Памяць пра Каліноўскага - гэта не пра мінулае.
Гэта пра сёння.
І пра будучыню, якую мы яшчэ павінны адваяваць.


🤍❤️🤍 Ад каманды RE:BELarus віншуем Уладзіміра Зяленскага з днём народзінаў.
Жадаем моцы, вытрымкі і перамогі - для Украіны, і ўсіх, хто сёння змагаецца за свабоду.

https://t.me/REBELarus1

@REBELarus20

re.belarus6@gmail.com