26 студзеня ў Беларусі адбудуцца бязвыбары, падчас якіх Лукашэнка чарговы раз паспрабуе незаконна ўзурпаваць уладу і абвясціць сябе «пераабраным».
Раней паведамлялася, што за межамі Беларусі рэжым не плануе ствараць выбарчыя ўчасткі. Каб прыняць удзел у галасаванні беларусам і беларускам замежжа прапануюць прыехаць у Беларусь.
З гэтай нагоды Народныя амбасады Беларусі запускаюць акцыю, падчас якой у публічных месцах розных гарадоў свету ўсе ахвотныя, у тым ліку і мінакі, змогуць зрабіць свой выбар — супраць якога Лукашэнка яны хочуць прагаласаваць (гітлеравец, тыран, забойца, тэрарыст, злачынца супраць чалавечнасці, ваенны злачынца) і апусціць адпаведны бюлетэнь у шрэдар.
Дзякуй так званаму следчаму камітэту Беларусі, які на днях зрабіў анонс нашай акцыі:
«В настоящее время следствием получена информация о планах «беглых», направленных на попытку дискредитации Республики Беларусь на международной арене и разжигания социальной вражды, посредством малочисленных уличных акций, имитирующих поддержку радикальных движений. Одним из «экстремистских перформансов» станет флешмоб с условным названием «Лукашенко в шредер», организованный «Народными посольствами».Мы абмяркоўвалі некалькі назваў, але, пасля такой рэкламы, зразумела, што пакідаем як ёсць — «Лукашенка ў шрэдар».
Так званы старшыня Цэнтральнай выбарчай камісіі Ігар Карпенка ўжо паказаў, як гэта зрабіць, але для яго раздрукавалі ня тыя бюлетэні.
У бліжэйшы час мы апублікуем інфармацыю дзе спампаваць правільныя бюлетэні, расклад акцый у розных гарадах/краінах і як можна да іх далучыцца. Сачыце за анонсамі!
#бязвыбары2025
Народныя амбасады | Ананімны зварот | Падтрымаць нас