⚪🔴⚪🤝🇸🇪 АД АНДОРЫ ДА СТОКГАЛЬМА

Дэлегацыя дэмакратычных сіл Беларусі на палях Парламенцкай асамблеі АБСЕ ў Андоры сустрэліся з Б’ёрнам Сёдэрам (Björn Söder) — кіраўніком шведскай дэлегацыі ў Асамблеі.

Анатоль Лябедзька падзяліўся з “Парламенцкім каналам “вынікамі сустрэчы.

«Абмеркавалі тры важныя тэмы.
🔹 АБСЕ: ад салідарнасці да канкрэтных вынікаў. Дзякуючы падтрымцы Б’ёрна Сёдэра мы зрабілі два важныя крокі: дэ-факта замацавалі ўдзел дэлегацыі дэмакратычных сілаў Беларусі ў працы Асамблеі і стварылі ў ёй групу «За дэмакратычную Беларусь». Цяпер абмеркавалі, як зрабіць беларускую прысутнасць у арганізацыі яшчэ больш заўважнай і эфектыўнай.

🔹 Швецыя пасля выбараў. Абмеркавалі палітычную сітуацыю і няпростыя перамовы вакол фармавання новай кіроўнай кааліцыі.

🔹 Група «За дэмакратычную Беларусь» у Рыксдагу. Пасля кожных выбараў патрэбна запускаць працу па стварэнні дэпутацкай групы “За дэмакратычную Беларусь”. Мы, безумоўна, разлічваем на актыўны ўдзел у ёй Б’ёрна Сёдэра, які быў рухавіком групы ў папярэднім складзе парламента.

📅 Дамовіліся пра каляндар дзеянняў з мэтай 9 снежня абвясціць пра стварэнне групы ў новым складзе Рыксдага. Дата невыпадковая: у гэты час у шведскім парламенце плануецца сайд-івэнт з удзелам Паўночнай рады.

Парламенцкая салідарнасць — гэта не толькі словы і добрыя намеры. Гэта людзі, якія дапамагаюць ператвараць падтрымку Беларусі ў канкрэтныя рашэнні і дзеянні. Працягваем працу! 💪

#Беларусь #Швецыя #АБСЕ #Рыксдаг #ПарламенцкаяСалідарнасць #ДэмакратычнаяБеларусь

Далучайся і будзем разам 🖌
https://t.me/parlamentbel