⚪️🔴⚪️🤝🇺🇦 БЕЛАРУСЬ—УКРАІНА: ПАРЛАМЕНЦКАЕ СУПРАЦОЎНІЦТВА Ў АБСЕ

Дэлегацыя дэмсіл Беларусі падчас восеньскай сесіі Парламенцкай асамблеі АБСЕ ў Андоры сустрэлася з Мікітам Патураевым, кіраўніком дэлегацыі Вярхоўнай Рады Украіны ў Асамблеі.

Бакі падвялі вынікі сумеснай працы, у тым ліку сайд-івэнта «Каардынаваныя інфармацыйныя аперацыі і іх уплыў на грамадскую думку падчас выбараў і грамадзянскіх крызісаў»

Мерапрыемства было арганізавана сумеснымі намаганнямі дэлегацый Украіны і Беларусі. Гэта быў першы досвед такога супрацоўніцтва, вынікамі якога бакі засталіся задаволеныя.

Асобная частка сустрэчы была прысвечана планам далейшай супольнай дзейнасці. Мікіта Патураеў узяўся ў якасці віцэ-прэзідэнта ПА АБСЕ садзейнічаць пашырэнню магчымасцяў беларускай дэлегацыі — у прыватнасці, яе ўдзелу ў працы структур Асамблеі і выступам падчас розных мерапрыемстваў.

Бакі таксама абмеркавалі парадак працы на 2027 год. Бліжэйшыя магчымасці для працягу супрацоўніцтва — зімовая сесія ПА АБСЕ ў Вене і летняя сесія ў Белградзе.