🇪🇸 ПУЧДЭМОН ВЯРТАЕЦЦА. А ШТО З БЕЛАРУСАМІ?

Былы кіраўнік Каталоніі Карлес Пучдэмон пасля амаль дзевяці гадоў у выгнанні атрымаў магчымасць вярнуцца ў Іспанію без рызыкі быць арыштаваным. Ён быў абвінавачаны, у тым ліку, у выкарыстанні дзяржаўных сродкаў для арганізацыі рэферэндуму аб незалежнасці Каталоніі ў 2017 годзе.

Канстытуцыйны суд Іспаніі пастанавіў, што гэтае абвінавачванне падпадае пад закон аб амністыі. Пасля гэтага Вярхоўны суд зняў ордэр на затрыманне Пучдэмона.

А цяпер — Беларусь.

Сотні тысяч беларусаў пасля выбараў 2020 года былі вымушаныя пакінуць краіну. Сярод іх — людзі, якія патрабавалі толькі аднаго: не красці іх галасы і правесці сумленныя выбары.

У Іспаніі спрэчныя палітычныя і крымінальныя справы вырашаюцца праз суды і механізмы падзелу ўладаў.

Вось чаму незалежны суд і падзел уладаў — не абстрактныя словы. Гэта механізм, які дае чалавеку магчымасць вярнуцца дадому.

#Беларусь #Іспанія #Пучдэмон #Каталонія #суд #падзелуладаў

Далучайся і будзем разам 🖌
Парламентскі канал⁠