#НАЗОРАТ_ТАДБИРЛАРИ

🚨ҚУРИЛИШДА НАЗОРАТ: ҚОИДАБУЗАРЛИКЛАР ВА УЛАРНИ БАРТАРАФ ЭТИШ НАТИЖАЛАРИ

2026 йил 1 октябрь ҳолатига кўра, ҳудудий назорат инспекциялари томонидан республика бўйича 28 708 та қурилиш объекти назоратга олинган бўлиб, уларда жами 301 272 маротаба мониторинг тадбирлари ўтказилди.

Қурилиш объектларида аниқланган қоидабузарликларни бартараф этиш юзасидан 215 907 та бажарилиши мажбурий бўлган ёзма кўрсатма берилди ва уларнинг ижроси назоратга олинди.

Қурилиш нормалари ва талабларига риоя этилмаган ҳолатлар бўйича 3 166 та қоидабузарлик буздириш ишлари орқали бартараф этилди.

Шунингдек, қурилиш иштирокчилари томонидан муаллифлик ва техник назорат талаблари бузилганлиги учун лицензиялар ҳамда рухсат берувчи ҳужжатларнинг амал қилишини тўхтатиб туриш, тугатиш ва бекор қилиш бўйича 348 та тақдимнома киритилди.

Қурилиш объектларида сифатсиз қурилиш материаллари ва буюмларидан фойдаланиш ҳолатлари юзасидан тегишли орган ва ташкилотларга 1 650 та тақдимнома киритилди.

✅Қурилишда сифат ва хавфсизлик — энг муҳим талаб. Шу боис ҳар бир объектда белгиланган меъёрларга риоя этилиши, қурилиш ишларининг сифатли бажарилиши ҳамда аниқланган қоидабузарликлар бартараф этилиши устидан назорат изчил давом эттирилади.

✅Telegram|📹Youtube|🌐Instagram|🌐Web|🌐Facebook