Ukraynanın F-16 qırıcılarının böyük hissəsi Belçikadakı texniki xidmət problemləri səbəbindən döyüşə hazır vəziyyətdə deyil.

300 uçuş saatından sonra F-16 qırıcılarının mühərrik, avionika, hidravlika, yanacaq xətləri və digər sistemləri üzrə mərhələli texniki xidmətə ehtiyacı yaranır. ABŞ-la bağlanmış müqavilə əsasında bu işləri Belçikanın Sabena Aerospace Engineering şirkəti həyata keçirir. Belçikada bütün proses 40 həftəyə qədər davam edir. ABŞ-da isə eyni texniki xidmət 2-6 həftə ərzində həyata keçirilir.

Bu səbəbdən hazırda Ukraynaya məxsus F-16 qırıcılarının yarıdan çoxu istifadəsiz vəziyyətdədir. Mövcud istismar və texniki xidmət tempi davam edərsə, Kiyev qalan təyyarələrin resursunu artıq 2026-cı ilin sonuna qədər tükədə bilər. Əlavə problem isə F-16-ların yeni Rusiya reaktiv dronlarına qarşı fəal şəkildə istifadə edilməsidir.