ABŞ USS Theodore Roosevelt aviadaşıyıcı zərbə qrupunu Yaxın Şərqə göndərməyi planlaşdırır. Bununla da regionda eyni vaxtda xidmət aparan aviadaşıyıcıların sayı yenidən üçə çatacaq. Bu barədə WSJ məlumat yayıb.

Aviadaşıyıcı qrupunun gəmiləri keçən həftənin bazar günü San Dieqodan yola çıxıb. Onların noyabrın sonuna qədər regiona çatması planlaşdırılır.

Çərşənbə axşamı San Dieqodan Makin Island amfibiya hücum qrupu da yola çıxıb. Qrupun tərkibində ABŞ Dəniz Piyadalarının 13-cü Ekspedisiya Dəstəsi də var.

Hazırda regionda USS George H.W. Bush aviadaşıyıcısı aprelin sonundan, USS George Washington isə avqustun ortalarından etibarən döyüş növbətçiliyi aparır.