Quda-anda: anda kim?

Baʼzi juft soʻzlarni koʻp ishlatamiz-u, ikkinchi qismi nima maʼno anglatishini har doim ham aniq bilavermaymiz. Quda-anda ham ana shunday soʻzlardan.

Izohli lugʻatga koʻra, anda qadimgi turk-moʻgʻul xalqlarida tutingan aka-ukani anglatadi.

Milliy ensiklopediya qoʻshimcha maʼlumotlarni ham keltirgan: anda boʻlishni istagan shaxslar qon chiqarib uni bir-birlariga surtganlar va umrbod aka-uka tutinganlar. Masalan, Chingizxon jajirat qabilasi rahbari Jamuxa bilan anda tutingan.

Kinofilmlarda shunga oʻxshash sahnalarni koʻrgan boʻlsangiz kerak. Qon boʻyicha ogʻa-inilar ingliz tilida brothers by blood, blood brother, rus tilida кровные bratya, brat po krovi deyiladi. Qadimgi turkiylarda bu tushuncha bitta soʻz bilan ifodalangan.

@oriftolib | Sahifalarimiz