“Qarz-qavola qildi”: qavola nima?

Qavola soʻzi oʻzbek tilida mustaqil ishlatilmaydi. Faqat qarz soʻzi bilan birga qoʻllanadi. U asli arabcha, asliyatda kafolat, javobgarlik; shartnoma maʼnolarini bildiradi.

Qarz-qavola iborasi yordam tariqasida olingan qarz, qarz-qurzni anglatadi:

Boyoqish Doʻsanov qarz-qavola qilib, inspektorga ming soʻm toʻgʻrilab berdi.
“Mushtum”.

Shu soʻz koʻpincha qarz-havola, qarz havola qildi kabi xato shakllarda ishlatiladi. Bu iboralar mazmunan xato. Havola ixtiyoriga topshirish, manba koʻrsatish kabi maʼnolarga ega. Qarz olinadi yoki beriladi, birovning ixtiyoriga topshirib yoki manba koʻrsatib yuborilmaydi. Qarzini bermay, birovga havola qilib yuborish esa boshqa narsa 🙃.

📌 Demak:

Qarz-qavola, qarz-qavola qildi ✅
Qarz-havola, qarz-havola qildi, qarz havola qildi ❌

@oriftolib | Sahifalarimiz