“Ramazon” soʻzining maʼnosi nima?

Ramazon qamariya yil hisobida toʻqqizinchi oyning nomidir. Ramazon soʻzi arabcha ramzau oʻzagidan olingan va lugʻatda oʻta issiq maʼnosini bildiradi.

Ramazon soʻzining oʻzagi boʻlgan ramz soʻzi esa qizimoq, qizib choʻgʻ boʻlmoq, kuydirmoq kabi maʼnolarni beradi.

Ulamolar bu lugʻaviy maʼnoni voqelik va balogʻat ilmi nuqtayi nazaridan sharhlaganlar. Ramazon voqelikda roʻza tutish ilk dafʼada oʻta issiq vaqtga toʻgʻri kelganini bildiradi. Balogʻat ilmiga koʻra esa, xuddi issiq maʼdanning zangini kuydirganidek Ramazon ham uning roʻzasini tutganlarning gunohlarini kuydirib, oʻzlarini sayqallab poklaydi degan mazmunga ega.

@oriftolib | Sahifalarimiz