“Asfalasofilinga ketdi”: asfalasofilin nima?

Tilimizdagi baʼzi iboralarning umumiy mazmunini bilamiz, lekin tarkibidagi soʻzlarning lugʻaviy maʼnosini har doim ham aniq-tiniq tushunmaymiz.

Asfalasofilin boʻlmoq yoki asfalasofilinga ketmoq iboralari shunday iboralardan.

Asfalasofilin arabchadan kirgan, asliyatda tubanlarning tubani, eng yaramas, eng tuban maʼnolarini anglatadi. Oʻzbek tilida alohida holda doʻzaxning eng tagi, jahannam maʼnosida qoʻllanadi. Iboralar ichida esa maʼno oʻzgarishlarga uchraydi.

Asfalasofilin boʻlmoq yoki asfalasofilinga ketmoq:

1️⃣ Chuqurlikka, jarlikka tushib ketmoq.
2️⃣ Koʻchma maʼnoda: halok boʻlmoq, halokatga uchramoq.

Asfalasofilin soʻzlashuv tilida aspalasofin shaklida ham ishlatiladi.

📖 “Oʻzbek tilining izohli lugʻati” asosida tayyorlandi.

@oriftolib | Sahifalarimiz