“Mening orzularim koʻp” ruknidan

Lotin alifbosining yangi tahriri uchun taklif

Tilshunos olim va amaliyotchi oʻqituvchi doʻstlarim bilan lotin alifbosining oʻzbek tili tabiatiga anchagina mos, internetga va matn terishga qulay variantini ishlab chiqqan edik. Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha “yoʻl xaritasi” tasdiqlangani haqidagi xabarni oʻqigandan soʻng shu loyihani eʼlon qilishga qaror qildim.

Mabodo maʼqul kelsa, isloh uchun shu versiyadan ham foydalanish mumkin. Balki, aynan olinmas. Lekin koʻrsatilgan dalil va asoslar bilan xolis tanishib chiqilsa, faqat xursand boʻlamiz.

Aytgancha, bu mutlaqo shaxsiy taklif.

Alifboda nima oʻzgarishlar boʻladi?

1️⃣ Ch lotinchada S belgisi bilan ifodalanadi.

2️⃣ Ğ ğ, Ŏ ŏ, Ş ş harflari kiritiladi.

3️⃣ X va H yaxlitlanadi.

4️⃣ Ng harfi alifbo tarkibidan chiqariladi.

5️⃣ Tutuq belgisi alifbodan ham, foydalanishdan ham chiqariladi.

Izoh, dalil va asoslar bilan saytda toʻliq tanishishingiz mumkin.

Alifbo varianti quyida rasm koʻrinishida ilova qilingan.

Taklif va mulohazalaringizni izohlarda qoldirishingiz mumkin.

@oriftolib | Sahifalarimiz