#Soʻragan_edingiz

Xatoyim, xatoim yoki xatom

1995-yilgi imlo qoidalariga koʻra, parvo, obroʻ, mavqe, mavzu, avzo soʻzlariga I, II shaxs egalik qoʻshimchalari qoʻshilganda bir u tovushi qoʻshib aytiladi va shunday yoziladi: parvoyim, parvoying; parvoyimiz, parvoyingiz; obroʻyim, obroʻying; obroʻyimiz, obroʻyingiz kabi.

Xoʻsh, xato soʻziga egalik qoʻshimchalari qoʻshilganda-chi? O unlisi bilan tugagan soʻzlarga I, II shaxs egalik qoʻshimchalari -im, -ing shaklida ham, -m, -ng shaklida ham qoʻshilishi mumkin. Baʼzida y tovushi orttirilishi ham, orttirilmasligi ham mumkin. Buning aniq meʼyori yoʻq.

Eng toʻgʻri yoʻl – jumla yoki ifodaning talabiga koʻra ish koʻrish. Xatom shaklida ishlatish asosan badiiy adabiyotda, ayniqsa sheʼriyatda vazn talabidan kelib chiqib koʻp qoʻllanadi. Ogʻzaki nutq qisqalikni yoqtirgani uchun koʻproq xatom varianti tanlanadi.

Mening xulosam shu: xato soʻzini xatoyim, xatoim va xatom shaklida ishlatish mumkin.

Misollar lotin alifbosida koʻrsatib oʻtildi. Xulosa kiril yozuvidagi holatga ham tegishli.

👉 Toʻliq oʻqish

@oriftolib | Sahifalarimiz