“Yuragida yoli bor”: kishining yoli boʻlmaydi

Endi gʻalat taʼbir va notoʻgʻri iboralarga aniqlik kiritishimiz lozim.

Yuragida yoli bor degan ibora bor. U aslida yuragida yolini bor degan shakldadir. Yaʼni, ikkinchi soʻz yol emas, yolindir.

Yolin soʻzining maʼnosi alanga boʻlib, buni mumtoz shoirlarimiz koʻp ishlatadilar. Masalan, Navoiyda:

Oʻrtasa ishq meni, soʻrma sabab,
Kuysa xoshok yolindin, ne ajab,

degan satrlar bor. Mazkur iboraning toʻgʻrisi yuragida yolini bor va bu ibora “yuragida oʻti bor” iborasining maʼnodoshi ekan. Binobarin, uni “yuragida yoli bor” deyish notoʻgʻri va kishini chalgʻitishdan iborat ekan. Chunki kishining yuragida yol boʻlmaydi. Hatto koʻkragida ham boʻlmaydi. Yol ot, eshak, xachir kabi hayvonlarda boʻladi. Shuning uchun koʻkragida yoli bor deyish ham notoʻgʻri, koʻkragida yolini bor deyish zarurdir.

Alibek Rustamov

@oriftolib | Sahifalarimiz