Adil va adl

Bu ikki soʻz paronim boʻlgani, talaffuzi yaqinligi sabab ularni qoʻllashda koʻp xato qilinadi. Shakli yaqin boʻlsa-da, maʼnosi bir-biridan keskin farq qiladi.

Adil soʻzi arabchadan, asliyatda teng, barobar maʼnolarini bildiradi. Oʻzbek tilida ikki xil maʼnoda qoʻllanadi:

1️⃣ Toʻgʻri, egilmagan, bukilmagan, tikka.

2️⃣ Burilmagan, toʻppa-toʻgʻri.

Adl soʻzi esa adolat, odillik maʼnolarini anglatadi. U ham arab tilidan kirgan, asliyatda ham shu maʼnoda.

📌 Demak,

Adil qomat, adil chiziq, adil odam, adil imorat, adillik ✅
Adl qomat, adl chiziq, adl odam, adl imorat, adllik ❌

Adlu insof, adlu adolat, adl kuchi ✅
Adilu insof, adilu adolat, adil kuchi ❌

👉 Toʻliq oʻqish

@oriftolib | Sahifalarimiz