💬 Имом Бухорий номидаги Тошкент ислом институтида биринчи босқич талабалари билан психологик тренинг ўтказилди
▫️Имом Бухорий номидаги Тошкент ислом институтида 101-гуруҳ талабалари иштирокида психологик суҳбат ва танишув тренинги ташкил этилди. Учрашувни институт психологи Исмоилов Ойбек олиб борди.
▪️Тадбирнинг асосий мақсади талабалар ўртасида ўзаро танишув ва самимий мулоқот муҳитини шакллантириш, уларнинг жамоага мослашувига кўмаклашиш ҳамда психология фани ҳақида дастлабки тушунчалар беришдан иборат бўлди.
💬 Суҳбат давомида талабалар иштирокида танишув тренинги ўтказилиб, уларнинг бир-бирлари билан яқиндан танишиши, эркин мулоқот қилиши ва жамоадаги ўзаро муносабатларини мустаҳкамлашига алоҳида эътибор қаратилди. Шунингдек, дўстона муносабат, ўзаро ҳурмат, ҳамжиҳатлик ва ҳамкорлик каби муҳим қадриятларнинг аҳамияти таъкидланди.
➡️ Психолог Ойбек Исмоилов томонидан талабаларга психология фанининг мазмун-моҳияти, унинг инсон ҳаётидаги ўрни, шахслараро муносабатлар, ҳис-туйғуларни англаш ва бошқариш ҳамда инсон руҳиятини тушуниш борасида маълумотлар берилди.
📌 Мазкур учрашув талабаларнинг психологик билимларини ошириш, мулоқот кўникмаларини ривожлантириш ва таълим муассасасида соғлом психологик муҳитни шакллантиришга қаратилгани билан аҳамиятли бўлди.
Келгусида ҳам талабаларнинг маънавий-ахлоқий ва шахсий камолотини қўллаб-қувватлаш, уларнинг психологик фаровонлигини мустаҳкамлаш ҳамда ўзаро ҳамжиҳатлигини оширишга қаратилган тадбирларни давом эттириш муҳим аҳамият касб этади.
📝 Тошкент ислом институти матбуот хизмати
📱 @oliymahad – диний-маърифий канал!
📱Youtube 📱 Facebook 📱 Instagram