🗣Imom Termiziy merosiga bagʻishlangan xalqaro onlayn seminar boʻlib oʻtdi
▫️Imom Termiziy xalqaro ilmiy-tadqiqot markazi hamda Misr Arab Respublikasining nufuzli Al-Azhar universiteti hamkorligida “Imom Termiziy merosi: merosni qabul qilish va o‘rganish an’analari hamda undan zamonaviy foydalanish istiqbollari” mavzusida xalqaro onlayn seminar bo‘lib o‘tdi.
▪️Mazkur xalqaro ilmiy tadbir Imom Termiziy ilmiy-ma’naviy merosini chuqur o‘rganish, uning hadis ilmi rivojiga qo‘shgan ulkan hissasini tadqiq etish, alloma asarlarining ilmiy ahamiyatini keng targ‘ib qilish hamda buyuk muhaddis merosidan zamonaviy ilmiy-ta’limiy jarayonlarda foydalanish istiqbollarini muhokama qilishga qaratildi.
🗒 Seminarda Imom Buxoriy nomidagi Toshkent islom instituti professor-o‘qituvchilari, xodimlari hamda talabalari Imom Termiziy xalqaro ilmiy-tadqiqot markazi bilan imzolangan memorandum doirasida faol ishtirok etdi.
💬 Tadbir davomida Imom Termiziy merosining islom ilmlari, xususan, hadis ilmi taraqqiyotidagi o‘rni, alloma asarlarining ilmiy qiymati, uning ilmiy maktabi va merosini o‘rganish an’analari, shuningdek, mazkur boy ilmiy merosni bugungi ilmiy-ta’limiy jarayonlarga tatbiq etish masalalari yuzasidan fikr va mulohazalar bildirildi.
🇺🇿🇪🇬Xalqaro seminar doirasida O‘zbekiston va Misr ilmiy-ta’lim muassasalari o‘rtasidagi ilmiy hamkorlikni yanada rivojlantirish, hadis ilmi va islom manbashunosligi yo‘nalishlarida qo‘shma tadqiqotlarni amalga oshirish, ilmiy-amaliy anjumanlar hamda seminarlar tashkil etish kabi istiqbolli yo‘nalishlarga ham e’tibor qaratildi.
📌Ta’kidlash joizki, Imom Buxoriy nomidagi Toshkent islom instituti va Imom Termiziy xalqaro ilmiy-tadqiqot markazi o‘rtasida imzolangan memorandum tomonlar o‘rtasida ilmiy-tadqiqot va ta’lim sohalaridagi hamkorlikni mustahkamlash, o‘zaro tajriba almashish hamda buyuk muhaddislar merosini chuqur o‘rganishga xizmat qilmoqda.
✍️ Toshkent islom instituti Matbuot xizmati
📱 @oliymahad – diniy-ma'rifiy kanal!
📱 Youtube 📱 Facebook 📱 Instagram