🗣 Мутаассибликка қарши кураш ва ахборот таҳлили: Тошкент ислом институти ректори отинойиларга маъруза қилди
▫️ Дин ишлари бўйича қўмита ҳузуридаги Диний-маърифий соҳада малака ошириш ва қайта тайёрлаш институти томонидан хотин-қизлар фаоллари, тарғибот гуруҳи аъзолари ҳамда отинойилар учун Ўзбекистондаги Ислом цивилизацияси марказида малака ошириш ўқувлари ташкил этилмоқда.
▪️ Мазкур ўқувлардан кўзланган асосий мақсад — диний-маърифий соҳада фаолият юритаётган хотин-қизларнинг билим ва кўникмаларини янада ошириш, уларни замонавий ахборот маконида юзага келаётган турли таҳдид ва салбий таъсирлардан хабардор қилиш, шунингдек, аҳоли ўртасида маърифий тушунтириш ишларини самарали ташкил этишга кўмаклашишдан иборат.
▫️ Ўқувлар доирасида Имом Бухорий номидаги Тошкент ислом институти ректори Уйғун Ғафуров «Ижтимоий тармоқлардаги мутаассибликни тарғиб қилувчи сайтлар ва гуруҳлар мазмун-моҳияти» мавзусида маъруза қилди.
▪️ Маъруза давомида ижтимоий тармоқларда тарқатилаётган диний мазмундаги ахборотларга танқидий ва таҳлилий ёндашиш, мутаассибликни тарғиб қилувчи материалларнинг мазмун-моҳиятини англаш ҳамда уларнинг салбий таъсирларининг олдини олиш масалаларига алоҳида эътибор қаратилди.
📌 Бундай малака ошириш ўқувлари отинойилар ва диний-маърифий соҳада фаолият юритаётган хотин-қизларнинг касбий билим ва кўникмаларини мустаҳкамлаш, ахборот билан ишлаш салоҳиятини ошириш ҳамда жамиятда маънавий-маърифий муҳитни янада юксалтиришга хизмат қилади.
📱 @oliymahad – диний-маърифий канал!
📱Youtube📱Facebook📱Instagram