BILIMLI VA TASHABBUSKOR QIZLAR — KELAJAK BUNYODKORLARI

11-oktabr — Xalqaro qizlar kuni munosabati bilan Mirzo Ulug‘bek nomidagi O‘zbekiston Milliy universitetida “Bilimli va tashabbuskor qizlar — kelajak bunyodkorlari” mavzusida davra suhbati bo‘lib o‘tdi.

Tadbirda falsafa fanlari doktori (DSc), professor Muxamedjanova Lalixon Ashuralievna hamda Zulfiya nomidagi Davlat mukofoti sovrindorlari ishtirok etib, talaba-qizlar bilan bilim olish, shaxsiy rivojlanish, jamiyat hayotida faol ishtirok etish va yangi tashabbuslarni ilgari surish masalalari yuzasidan fikr almashdilar.

Davra suhbati davomida qizlarning intellektual salohiyatini yuksaltirish, ularda mustaqil fikrlash va yetakchilik ko‘nikmalarini rivojlantirish, ta’lim va ilm-fan sohasidagi intilishlarini qo‘llab-quvvatlashga alohida e’tibor qaratildi. Shuningdek, muvaffaqiyatga erishishda bilim, qat’iyat, tashabbuskorlik va izlanishning ahamiyati ta’kidlandi.

📱Facebook 📱Instagram 📺YouTube 🌐 Linkedin 🕊Telegram