Цэнтр новых ідэй прадстаўляе вынікі новага маштабнага даследавання "Трансфармацыя рэпрэсіўнай машыны ў Беларусі цягам 2020–2026 гадоў", прысвечанага таму, як змянілася архітэктура карнага апарату, як пашыраюцца паўнамоцтвы розных ведамстваў і як да рэпрэсіўных практык далучаецца грамадзянская інфраструктура.

Яно ахоплівае аналіз 53 новых рэпрэсіўных паўнамоцтваў у 28 сферах жыцця, больш за 5 900 судовых рашэнняў і 377 экстрэмісцкіх фармаванняў і арганізацый, а таксама зводны 20-этапны кейс, які ілюструе шлях чалавека ад першага адміністрацыйнага затрымання да спецвытворчасці і пераследу ў выгнанні. Даследаванне дапамагае ўбачыць рэальную структуру рэпрэсіўнай машыны і тое, як адказнасць выканаўцаў размываецца паміж мноствам розных структур. Некаторыя хайлайты і графікі сабралі на картках.

👉 Чытайце даследаванне цалкам на нашым сайце