Вітаем у камандзе! Доктар матэматычных навук, палітычны аналітык і журналіст Юрый Дракахруст далучыўся да Цэнтра новых ідэй у якасці старшага даследчыка

Юрый — адзін з найбольш аўтарытэтных беларускіх аналітыкаў. За яго плячыма дзесяцігоддзі працы ў незалежнай аналітыцы ды журналістыцы: праца ў Незалежным інстытуце сацыяльна-эканамічных і палітычных даследаванняў (НІСЭПД), больш за 25 гадоў на "Радыё Свабода", а таксама некалькі знакавых кніг пра беларускую палітыку ("Акцэнты Свабоды", "Сем худых гадоў", "Неверагодны 2020-ы").

Ужо першае наша супольнае даследаванне кіроўнай эліты Беларусі, зробленае Юрыем у суаўтарстве з Антонам Раднянковым, паказала, наколькі плённай аказваецца гэтая сінергія. Разам мы працягнем працаваць над глыбокай аналітыкай, якая дапамагае разумець працэсы ў Беларусі і рэгіёне.

Рады вітаць Юрыя ў нашай камандзе і чакаем новых супольных даследаванняў! 🤝