YOSHLAR GIYOHVANDLIKKA QARSHI: SOG‘LOM HAYOT — BIZNING TANLOVIMIZ!

Namangan davlat texnika universiteti Energetika muhandisligi fakultetida Yoshlar kuni doirasida “Biz talabalar giyohvandlikka qarshimiz!” shiori ostida profilaktik tadbir tashkil etildi.

Tadbirda Namangan viloyati narkologiya dispanseri mutaxassislari M.Mirzaliyeva va Sh. Ibrohimzoda, Energetika muhandisligi fakulteti dekani A.Qahhorov, dekan o’rinbosari A.Qodirov, fakultet tyutori Sh.Yusupov ishtirok etdilar.

Tadbir fakultet talabalari hamda Namangan viloyati narkologiya dispanseri mutaxassislari hamkorligida o‘tkazildi. Unda yoshlar o‘rtasida giyohvandlikning oldini olish, uning inson salomatligi va kelajagiga salbiy ta’siri, sog‘lom turmush tarziga amal qilishning ahamiyati yuzasidan tushuntirish ishlari olib borildi.
Mutaxassislar tomonidan giyohvandlikning og‘ir oqibatlari, zararli odatlardan himoyalanish, muammoli vaziyatlarda to‘g‘ri qaror qabul qilish hamda yoshlarning o‘z salomatligi va kelajagiga mas’uliyat bilan yondashishi masalalariga alohida e’tibor qaratildi.

Bunday profilaktik tadbirlar yoshlarning huquqiy va tibbiy savodxonligini oshirish, giyohvandlikka qarshi murosasiz munosabatni shakllantirish hamda sog‘lom avlodni tarbiyalashga xizmat qiladi.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI