Prezident Shavkat Mirziyoyev Javohir Sindorovning Nomzodlar turniridagi tarixiy g‘alabasini yodga olib, uning Olimpiadada ham sovuqqonlik va barqarorlik bilan o‘ynagani, kuchli raqiblardan ortga chekinmaganini ta’kidladi.
“Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!”
Shuningdek, Olimpiadada ilk bor qatnashgan Muhiddin Madaminov hal qiluvchi bahsda ukrainalik Roman Dehtiarovni mag‘lub etib, jamoamizga oltin medal uchun zarur ochkoni olib kelgani qayd etildi.
Shamsiddin Vohidov esa amaldagi jahon chempioni Gukeshga qarshi qora donalarda munosib kurash olib, jamoaviy natijaga hissa qo‘shdi.
“Bu oltin medalda jamoaning har bir a’zosining mashaqqatli mehnati va ulkan hissasi bor”, — dedi Prezidentimiz.
Davlatimiz rahbari shaxmatchilarimiz haqida kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
https://t.me/Rasmiy_axborot_official