#Сафар

🏠 Сафар машаққати ва уйга қайтиш сурури

Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам шундай марҳамат қилдилар:

«Сафар азобдан бир бўлакдир. У сизларнинг таомингиздан, ичимлигингиздан ва уйқунгиздан тўсади (ҳаловатни олади). Шундай экан, қайси бирингиз (сафардаги) ишини битирса, оиласи бағрига қайтишга шошилсин».

(Имом Бухорий (1804) ва Имом Муслим (1927) ривоят қилишган).

📚 Ҳадиси шариф шарҳи:
Мусофир инсон қанчалик гўзал жойларда бўлмасин, барибир ўзи яшайдиган масканига қайтиб келгандагина ҳақиқий хотиржамликни ҳис қилади. Унинг кўзлари аҳли-аёли, фарзандлари ва яқинларини кўргандагина қувончга тўлади ҳамда қалбини доимий бир сурур қоплайди.

⏺Хулоса:
Уй ва оила – Аллоҳ таоло бандасига бу дунёда берган энг катта тинчлик ва омонлик масканидир. Сафардаги юмушлар тугаши билан уйга шошилиш ҳам суннат, ҳам қалб ҳаловатининг калитидир.

@mehrob_uz