Bugun O'zbekistondagi eng katta kino portallardan birining dasturchisiman. Ish tajribam 10 yildan ortiq. Tajribam ortida dasturlashdan tashqari elektronika sohasi ham mavjud.

Men shunchaki bugundan boshlab ushbu soha oldida turgan pardalarni olib tashlab o'z tajribamdan hikoyalar berib borishga qaror qildim. Hikoyalar siz tasavvur qilgandek pozitiv bo'lmasligi ham mumkin. Mening maqsadim sizga IT reklamalarda aytilgani kabi boyib ketish sirini o'rgatish emas, axir hali o'zim ham bu ishimdan boyib keta olmaganmanda. Lekin chindan ham bu sohaga qiziqa oladiganlar uchun undagi mavjud kamchiliklariyu yutuqlarni ko'rsatib berish.

Tiktokdagi videolar orasidan chiqib qoladigan aka hech qachon sizga borini gapirmaydi. U shunchaki Stiv Jobsning o'zi ham bexabar bo'lib ketgan so'zlaridan turli iqtiboslar keltirib sizga IT sohasini maqtashga o'tib ketadi xolos. Siz balkim shifokor yoki uchuvchi bo'lmoqchidirsiz lekin uning audit maqsadi uchun bu qiziq emas.

Xohlaymizmi yo'qmi aslida soha bu tassavurimizdagidek sodda emas. U hayotingizdan juda ko'p narsa talab qiladi. Ko'plarini yulib oladi. Batamom normal hayotdan voz kechishingiz kerak. Tartibli va sog'lom dasturchi mavjud emas va bo'la olmaydi ham.

@yetimdasturchi