UPD. Прэм’ер паведаміў польскаму парляманту, што большая частка ўляцела непасрэдна з тэрыторыі Беларусі. Таму сумнёваў няма, гэта сапраўды рэакцыя на закрыцьцё мяжы, і сінепальцэнфюрэр прымаў у акцыі непасрэдны ўдзел.

Сеньня паветраную прастору Польшчы парушыла яе мінімум 19 расейскіх дронаў. Частка была зьбіта, частка рухнула, выпрацаваўшы паліва. Адзін упаў у 80 км ад Лодзі, то бок на 1/3 ўглыб тэрыторыі краіны.

Мае меркаваньне - нічога гэта ніякая не выпадковасьць ці пабочны эфэкт ад ночнай атакі на Заходнюю Ўкраіну. Гэта адбываецца адразу пасьля анонсу закрыцьця польскай мяжы для ўсяго трафіку, у тым ліку для грузаў з Кітаю. Мяркую, пуцін трохі падабдзелаўся ад перспектывы размовы зь Сі, і вырашыў "пакараць пшэкаў". А заадно і пратэставаць межы магчымага.

Бо, як вядома, расея спыняецца толькі там, дзе можна атрымаць п****.

Натаўская авіяцыя спрацавала нармальна, наколькі можна. У Польшчы эфэктыўная армія, на абарону краіна траціць больш за тры працэнты ВВП, учора ЭК дала Варшаве амаль траціну з 150-мільярднага фонду SAFE для разбудовы войска. Яны будуць гатовыя зьбіваць залётных і далей, асабліва ведаючы, што цяпер гэта ўжо не гіпатэтычны сцэнар.

Цяпер пытаньне, якой будзе рэакцыя прыдурка ў Белым Доме, закаханага ў самога сябе больш за ўсё іншае. Менавіта ягоны "самед" даў пуціну легітымацыю ў вачах часткі сьвету, і зрабіў куды сьмялейшым. Раблю стаўку: зь Белага Дому данясецца блеяньне пра "так нізьзя", безь ніякіх рэзкіх рухаў. І на гэтым скончыцца.

Ну і пытаньнечка з зоркай: ці падштурхне ночны інцыдэнт Польшчу і Румынію да таго, каб зьбіваць дроны яшчэ над украінскай тэрыторыяй, забясьпечваючы Кіеў і тым самым сябе саміх? Вось тое самае "закрыць неба", чаго Ўкраіна дамагаецца ўжо тры гады? Ці будзе чарговае "нам страшна"?