🎙Падчас прэс-канферэнцыі, прысвечанай Дню работнікаў культуры, дырэктар РВУ «Культура і мастацтва» Наталля Васільеўна Кузняцова надала ўвагу падрыхтоўцы да 35-годдзя газеты «Культура» і ключавым праектам установы, якія накіраваны на захаванне культурнай спадчыны, адлюстраванне падзей і папулярызацыю дасягненняў беларускага мастацтва.
🗞 Кіраўніца адзначыла, што за гады свайго існавання «Культура» стала летапісам культурнага жыцця краіны. На яе старонках знаходзілі адлюстраванне найважнейшыя падзеі, знакавыя будоўлі і маштабныя мерапрыемствы, найперш тыя, што праходзілі пад эгідай Міністэрства культуры Рэспублікі Беларусь.
Асобна гаворка ішла пра тэматыку Года беларускай жанчыны і прысвечаны яму праект «У галоўнай ролі — жанчына».❤️ Таксама Наталля Васільеўна распавяла пра тое, як выбудоўваюцца адносіны рэдакцыі з чытачамі.
✨ Дырэктар павіншавала ўсіх работнікаў культуры з надыходзячым прафесійным святам, пажадаўшы натхнення, новых творчых поспехаў, цікавых праектаў і задавальнення ад сваёй працы.