❤️У Дзяржаўным літаратурна-мемарыяльным музеі Якуба Коласа выкарыстоўваюць розныя фарматы, каб расказваць пра жыццё і спадчыну народнага паэта.
Адзін з іх — сустрэча-чаяванне. Чарговая адбудзецца 14 кастрычніка, у межах Тыдня бацькоўскай любові, і будзе прысвечана жанчынам сям’і Песняра.
💬 Як расказалі ва ўстанове, госці даведаюцца пра маці і сясцёр Якуба Коласа, яго жонку Марыю Дзмітрыеўну Міцкевіч і нявестак.
Асаблівую атмасферу сустрэчы створаць рэдкія мемарыяльныя рэчы з музейных фондаў і прыватнага архіва, а таксама магчымасць пагутарыць з прадстаўніцамі сучаснага пакалення сям’і паэта — яго ўнучкамі Марыяй і Верай Міцкевіч і праўнучкай Васілінай Міцкевіч, галоўнай захавальніцай фондаў музея.
Такое мерапрыемства — нагода паглядзець на гісторыю вядомай сям’і праз асабістыя лёсы, сямейныя ўспаміны і рэчы, якія захоўваюць памяць пра мінулае.🏛 Сачыце за навінамі разам з газетай «Культура» і часопісам «Мастацтва».