— У праграме — сімфанічная фантазія «Франчэска да Рыміні», у якой кампазітар распавядае сумную гісторыю кахання Франчэскі і Паола, заснаваную на сюжэце з «Боскай камедыі» Дантэ.

Наведвальнікі пачуюць таксама Сімфонію №5 мі мінор, якая зачароўвае прыгажосцю музыкі, — твор, глыбокі філасофскі сэнс якога музычныя крытыкі і знакамітыя дырыжоры спрабуюць зразумець да гэтага часу.

Будуць прадстаўлены і «Варыяцыі на тэму ракако для віяланчэлі з аркестрам» — адзін з самых светлых, жыццесцвярджальных твораў кампазітара, што адлюстраваў яго палкую любоў да паэзіі і прыгажосці, — распавялі нашай рэдакцыі ў Белдзяржфілармоніі.