❗️Қарақалпақстан жаслары қосымша квота ушын дизимнен өтиўи мүмкин
Мәмлекет комиссиясының тийисли баянына муўапық, 2026/2027 оқыў жылы ушын қарақалпақстанлы жаслар жоқары билимлендириўге кириўде төмендеги 2 қосымша мүмкиншиликке ийе болды.
1️⃣ 1-мүмкиншилик:
2026-жыл 2-6-октябрь күнлери Қарақалпақстанда турақлы жасаўшы ҳәм кириў имтиханларында 68 балл ҳәм оннан жоқары нәтийже көрсетип, мәмлекетлик ЖООлардың күндизги тәлим формасына төлемли-контракт тийкарында студентликке усыныс етилген жаслар 500 мақсетли қабыллаў параметрлери ушын дизимнен өтеди.
Дизимнен өтиў my.uzbmb.uz сайты арқалы әмелге асырылады. Бунда абитуриентлер студентликке усыныс етилген жоқары оқыў орны ҳәм тәлим бағдары бойынша таңлаўда қатнасады.
Дизимнен өткен абитуриентлер өткерилген кириў имтиҳанлары нәтийжесине көре топлаған баллары избе-излигине қатаң әмел еткен ҳалда мақсетли қабыллаў параметрлерине усыныс етиледи.
2️⃣ 2-мүмкиншилик:
Министрлер Кеңесиниң мүрәжатына муўапық Билим ҳәм көнликпелерди баҳалаў агентлиги тәрепинен бакалавриат тәлим бағдарлары кесиминде төлемли-контракт тийкарында ўәлаятлардағы мәмлекетлик жоқары оқыў орынларына қосымша 6 500 қабыллаў параметрлери тастыйықланды.
Бунда базалық төлемли-контракт негизиндеги қосымша қабыллаў параметрлери мәмлекетлик жоқары оқыў орынларының бакалавриат тәлим бағдарларына абитуриент ретинде дизимнен өткен Қарақалпақстандағы улыўма орта, орта арнаўлы ҳәм кәсиплик билимлендириў шөлкемлерин тамамлаған, өткерилген кириў имтиҳанлары нәтийжелерине көре 56,7 ҳәм оннан жоқары балл топлаған, бирақ студентликке усыныс етилмеген абитуриентлер есабынан қәлиплестиреди.
Таңлаў жуўмақлары тийисли жоқары оқыў орынларына белгиленген тәртипте рәсмийлестириў ушын жеткизиледи.
✅ 👉 @KRuzuz — Қарақалпақстандағы ең исенимли хабарлар
Post #39652
8.25K
