📖📖📖📖📖

Tarixiy xotira sari sayohat: o‘tmishdan saboq, kelajakka mas’uliyat

Tarixning shunday sahifalari borki, ularni shunchaki o‘qish emas, qalban his etish kerak. Qatag‘on qurbonlarining fojiaviy taqdiri, millat ozodligi va ma’rifati yo‘lida ko‘rsatgan jasorati bugungi avlodni tarixiy xotiraga hurmat, erkinlikning qadriga yetish va Vatan taqdiriga daxldorlik ruhida tarbiyalaydi.

Jizzax viloyati pedagogik mahorat markazining “Ijtimoiy-iqtisodiy fanlar” kafedrasi tashabbusi bilan Davlat va huquq asoslari yo‘nalishi tinglovchilari uchun qatag‘on qurbonlari xotirasiga bag‘ishlangan muzeyga ma’naviy-ma’rifiy tashrif tashkil etildi.

Muzeydagi noyob eksponatlar, arxiv hujjatlari va tarixiy dalillar ishtirokchilarni xalqimizning murakkab o‘tmishi, millat erki va ma’rifati uchun kurashgan fidoyi ajdodlarimizning hayoti bilan yuzma-yuz qildi.

Muzey direktori Baxtigul Ergashevaning tarixiy faktlarga boy, ta’sirchan hikoyalari esa har bir eksponat ortida inson taqdiri, armonlar va unutilmas tarixiy haqiqatlar mujassam ekanini yana bir bor eslatdi.

Bu tashrif oddiy ekskursiya emas, tarix bilan yuzlashish, ajdodlar xotirasi oldida mas’uliyatni his etish imkoniyati bo‘ldi. Zero, o‘tmishning achchiq saboqlarini unutmagan avlodgina bugungi tinchlik, erkinlik va mustaqillikning qadriga chinakam yeta oladi.

🟦🟦🟦🟦🟦🟦

📱Telegram 📱 WEB   📱 Facebook  ▶️Youtube  📱Instagram