📌 25 қыркүйекте әлеуметтік желілердегі анонимді пайдаланушылардың аккаунттарында әскери қызметшілер арасындағы дөрекі қатынастарды бейнелейтін бейнероликтің таралуы тіркелді.

Дереккөздерді зерделеу барысында бейнежазбаның Қазақстанға қатысы жоқ екендігі анықталды. Ол – «Қырғызфильм» киностудиясының «Баткен» көркем фильмінен алынған үзінді. Қолданушыларды шатастыру мақсатында материал авторлары бейнежазбаға қазақ тілінде дыбысты қоса салған. Бұл аудиторияны шатастырып, жалған ассоциациялар туғызуы мүмкін.

Жалған ақпаратқа қарсы іс-қимыл орталығы хабарлайды: материалдарды қасақана бұрмалау және жариялау құқықтық жауапкершілікке әкеп соқтыруы мүмкін. Жекелеген жағдайларда заңнамаға қайшы мазмұнды әдейі тарату (қайта жариялау) да құқық бұзушылық болып саналуы ықтимал.

‼️ Азаматтарды интернет желісінен алынған контентке мұқият қарауға, әрдайым ақпараттың дереккөзін тексеруге шақырамыз.