#operatsion_tizim #linux #maslahat

📀 Fedora — yangi narsalarni sinab ko‘rmoqchi bo‘lganlar uchun

Dastlabki marotaba Linux'ni sinab istagida bo‘lganlar ko‘pincha Ubuntu, uning “bobosi” bo‘lmish Debian yoki Linux Mint kabi ko‘plab hosilalaridan birini o‘rnatadilar. Biroq, ushbu ulkan oiladan tashqari, Linux dunyosida yana bir kuchli guruh mavjud – bu Red Hat Linux distributivlari. Ulardan eng mashhur vakili esa — Fedora'dir.

Fedora – Red Hat'ning o‘ziga xos sinov maydonchasi bo‘lib, bu yerda foydalanuvchilar ilovalar va tizimlarning eng so‘nggi funksiyalari va imkoniyatlarini sinab ko‘rishadi. Biroq, shunga qaramay, Fedora Workstation nashri juda barqaror va asosiy ish tizimi roli uchun juda mos keladi. Distributiv GNOME qobig‘ining yangi narshrlarini birinchi bo‘lib qabul qilishi bilan mashhur.

➕ Afzalliklari: Boshqa distrubutivlarga qaraganda ko‘plab yangi xususiyatlar Fedora'ga tezroq keladi. Shu bilan birga tizim hatto tajribasiz foydalanuvchilar uchun ham soddadir.

➖ Kamchiliklari: Litsenziyalash sabablariga ko‘ra Fedora’ning standart distributivida ko‘plab muhim kodeklar yo‘q. Muammo RPM Fusion omborini ulash orqali hal qilinadi.

✔️ Alternativlari: Deepin – bu Xitoy tomonidan taqdim etilgan distributiv. U qiziqarli sozlanuvchan interfeys va o‘ziga xos shaxsiy WPS ofisiga ega. Debian'ga asoslangan, ekzotika muxlislariga ma’qul keladi.

📥 Fedora'ni yuklab olish.

Linux distributivini tanlashda nimalarga e’tibor bermoq lozimligi hamda “Лайфхакер” nashri tomonidan tavsiya etilgan boshqa distributivlar bilan ushbu postimiz orqali tanishishingiz mumkin.

ℹ️ Operatsion tizim rukni ostidagi qolgan postlarimiz bilan ham tanishing: 1-qism | 2-qism | 3-qism | 4-qism | 5-qism

👨🏻‍💻@itspecuz | Mundarija