💽 Tizimdagi disk harfini o‘zgartiramiz
Faraz qiling, siz yuklanuvchi fleshka yordamida Windows'ingizni qayta o‘rnatdingiz va ushbu jarayon yakunlanib, tizimdagi Проводник (Этот компьютер,
WIN + E) fayl menejeri dasturiga murojaat etganingizda Windows lokal C diskiga o‘rnatilganiga, yuklanuvchi fleshka D diski harfini egallaganiga va yangi tizimni o‘rnatish oldidan harfi D bo‘lgan lokal disk uchun endi E harfi tayinlanganiga guvoh bo‘ldingiz deylik.Yuklanuvchi fleshka tizim o‘rnatib bo‘linganidan keyin sizga kerak bo‘lmaydi, disk harflarining esa alfavit tartibida joylashganiga barchamiz odatlanganmiz, bu holatda quyidagicha yo‘l tutishimiz mumkin:
1️⃣. Yuklanuvchi fleshkangiz band etib turgan disk harfi, ya’ni D harfini boshqa disk uchun qo‘llay olishingiz uchun uni tizimdan “Извлечь” qilgan holda USB-razyomidan ajratib oling.
2️⃣. Vazifalar panelidagi “Пуск” tugmasi ustiga sichqonchaning o‘ng tugmasini bosing va ochilgan kontekstli menyudan “Управление дисками” bandini tanlang.
3️⃣. Kerakli disk ustiga yana bir bor sichqonchaning o‘ng tugmasini bosing va ochilgan kontekstli menyudan “Изменить букву или путь к диску” bandini tanlang.
4️⃣. “Изменить...” tugmasiga bosgan holda boshqa disk harfini kiriting (E diski uchun shunda fleshka ortidan bo‘shagan D harfi tayinlanadi).
5️⃣. Agarda shaxsiy kompyuteringizda CD/DVD'larni o‘quvchi diskovod mavjud bo‘lsa, katta ehtimol bilan uning ham harfi odatiy E harfidan F harfiga o‘zgargan bo‘lishi mumkin. Buni ham yuqorida keltirilgan ko‘rsatmaga muvofiq alfavit tartibidagi mos keluvchi boshqa harfga o‘zgartirishingiz mumkin.
ℹ️ Qo‘shimcha sifatida tanishish va foydalanish tavsiya etiladi:
• Windows 10, 8.1 va 7'da disk harfini o‘zgartirish
• Windows 10'da Buyruq satri (Командная строка) yordamida disk harfini o‘zgartirish
• Istalgan papka asosida virtual disk yaratish
• C diskidagi “Users” papkasidagi foydalanuvchi papkalarini D diskiga mohirona o‘tkazish
• Windows 10’da “Проводник” ilovasi tomonidan ochiladigan doimiy papkani o‘zgartirish
• Windows haqidagi voz kechish lozim bo‘lgan 5 mashhur afsona
• Buyruq satri orqali yuklanuvchi fleshkani yaratamiz
• Windows 10/11'ning standart vositalari orqali to‘g‘rilashning iloji bo‘lmagan USB fleshkalarni sozlash
• WinPE 10-8 Sergei Strelec yordamchi vositasini qattiq diskdan ishga tushirish
• Operatsion tizim rukni ostidagi qolgan postlarimiz ro‘yxati: 1-qism | 2-qism | 3-qism | 4-qism | 5-qism | 6-qism
👨🏻💻@itspecuz | Mundarija
