၂၀၂၆ ခုနှစ် ကမ္ဘာ့ဆရာများနေ့အခမ်းအနားသို့ ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန် တက်ရောက်ချီးမြှင့်
 
ဟားခါး အောက်တိုဘာ ၆
 
၂၀၂၆ ခုနှစ် ကမ္ဘာ့ဆရာများနေ့အခမ်းအနားကို အောက်တိုဘာလ ၅ ရက် နံနက် ၉ နာရီခွဲက ဟားခါးမြို့၊ ချင်းပြည်နယ်အစိုးရအဖွဲ့ရုံးရှိ ပြည်နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ကျင်းပရာ ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန် ၊ ပြည်နယ်တရားလွှတ်တော် တရားသူကြီးချုပ် ၊ ပြည်နယ်ဝန်ကြီးများ ၊ ပြည်နယ်ဥပဒေချုပ် ၊ ပြည်နယ်အစိုးရအဖွဲ့ အတွင်းရေးမှူး ၊ ပြည်နယ်အဆင့်ဌာနဆိုင်ရာတာဝန်ရှိသူများ၊ အသက်(၇၀)နှစ်နှင်အထက် ဆရာကြီး၊ ဆရာမကြီးများနှင့် ကျောင်းသား ၊ ကျောင်းသူများ တက်ရောက်ကြသည်။
 
အခမ်းအနားတွင် ဟားခါးမြို့ အမှတ်(၂) အခြေခံပညာနှင့် စက်မှု၊ စိုက်ပျိုး၊ မွေးမြူရေးကျောင်း ရေးကျောင်းမှ ကျောင်းသား ၊ ကျောင်းသူများက “မြတ်ဆရာ” သီချင်းဖြင့် သီဆိုဖြေဖျော်ကြပြီးနောက် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ၊ အဂ္ဂမဟာသရေစည်သူ အဂ္ဂမဟာသီရ သုဓမ္မ ဦးမင်အောင်လှိုင်ထံမှ ကမ္ဘာ့ဆရာများနေ့ အထိမ်းအမှတ်အခမ်းအနားသို့ပေးပို့သည့် သဝဏ်လွှာအား ချင်းပြည်နယ်ဝန်ကြီးချုပ် သီရိပျံချီ ၊ စည်သူ ဒေါက်တာဝုန်ဆွန်းထန်က ဖတ်ကြားသည်။
 
ထို့နောက် ကုလသမဂ္ဂလက်အောက်ခံအဖွဲ့ (၅) ဖွဲ့၏ အဖွဲ့ခေါင်းဆောင်များက ပေးပို့သော စုပေါင်းသဝဏ်လွှာအား ချင်းပြည်နယ်ပညာရေးမှူး ဦးရွှေလိန်းက ဖတ်ကြားပြီး ဟားခါးမြို့ အမှတ် (၁) အခြေခံပညာအထက်တန်ကျောင်း ကျောင်းသား၊ ကျောင်းသူများက “ပညာသည်သာ ရတနာ” သီချင်းဖြင့် သီဆိုဖျော်ဖြေကြသည်။
 
ယင်းနောက် ကမ္ဘာ့ဆရာများအနေ့အထိမ်းအမှတ် အထက်တန်းအဆင့် စာစီစာကုံးပြိုင်ပွဲတွင် ပထမ ၊ ဒုတိယ ၊ တတိယဆုရရှိသူများကို ပြည်နယ်ဝန်ကြီးချုပ် ဒေါက်တာဝုန်ဆွန်းထန်က လည်းကောင်း ၊ အထက်တန်းအဆင့် ကဗျာရွတ်ဆိုပြိုင်ပွဲတွင် ပထမ ၊ ဒုတိယ ၊ တတိယဆုရရှိသူများ ကို တရားလွှတ်တော်တရားသူကြီးချုပ် ဦးမြတ်စံကလည်းကောင်း ၊ အလယ်တန်းအဆင့် စာစီစာကုံး ပြိုင်ပွဲတွင် ပထမ ၊ ဒုတိယ ၊ တတိယဆုရရှိသူများကို ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီ ခင်မောင်ထွေးကလည်းကောင်း ၊ အလယ်တန်းအဆင့် ကဗျာရွတ်ပြိုင်ပွဲတွင် ပထမ ၊ ဒုတိယ ၊ တတိယဆုရရှိသူများကို လူမှုရေးရာဝန်ကြီး ဦးစိန်ထွန်းလှကလည်းကောင်း ဂုဏ်ပြုဆုများ ပေးအပ်ချီးမြှင့်ကြသည်။
 
ထို့နောက် အသက် (၇၀) နှစ်နှင့်အထက် ဆရာကြီး ၊ ဆရာမကြီးများအား ချင်းပြည်နယ် ပညာ ရေးမှူးနှင့် ဒုတိယညွှန်ကြားရေးမှူးများက ကန်တော့လက်ဆောင်များ ပေးအပ်ကြပြီး ပြည်နယ် ဝန်ကြီးချုပ်နှင့် ပြည်နယ်ဝန်ကြီးများက အသက် (၇၀) နှစ်နှင့်အထက် ဆရာကြီး ၊ ဆရာမကြီးများအား နှုတ်ဆက်အားပေးစကားပြောကြားကာ စုပေါင်းမှတ်တမ်းတင် ဓာတ်ပုံရိုက်ကူးကြကြောင်း သိရသည်။
 
(ခရိုင် ပြန်/ဆက်)

https://t.me/iprdrnd/210883

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

View to mTube Video Streaming Platform
https://mtube.gov.mm